|
HƏDİS
İNCİLƏRİ
"Ey Allahın Rəsulu!
dedik, mömin qorxaq olarmı?"
"Bəli!" buyurdular. "Bəs paxıl olarmı?" dedik, yenə:
"Bəli!" buyurdular. Biz yenə:
"Bəs yalançı olarmı?" deyə soruşduq. Bu səfər: "Xeyir!"
buyurdular."
(Muvatta, Kəlam 19)
* * *
Abdullah bin Abbas (r.a) Allahın Rəsulu Həzrəti
Məhəmmədin (sallallahu aleyhi və səlləm) belə
buyurduğunu rəvayət edir:
İnsanların
əksəriyyətinin qiymətini bilmədikləri və aldandıqları iki nemət
vardır ki, bunlar sağlamlıq və boş vaxtdır..
(Buxari, Riqaq, 1/60)
* * *
Əbu Hureyrə həzrətləri Allahın Rəsulu Həzrəti
Məhəmmədin (sallallahu aleyhi və səlləm) belə
buyurduğunu rəvayət edir:
Kim
çətinlikdə olan bir müsəlmanın vəziyyətini asanlaşdırarsa
(məsələn, borc məsələsində sıxışdırmazsa) Allah da dünya və
axirətdə ona asanlıqlar ehsan edər.
(Müslim, Zikir, 38; Əbu Davud, Ədəb,
60; Tirmizi, Qur’an, 10; İbn Macə, Müqəddimə, 17, Sədaqət, 14;
Müsnəd, 2/253)
* * *
Allahın Rəsulu Həzrəti
Məhəmməd (sallallahu aleyhi və səlləm) belə buyurdular:
Allah, satışdakı güzəşti (müsamaha), satın almaqdakı güzəşti,
ödənişdəki güzəşti sevər.
(Tirmizi,
1319)
* * *
Allahın Rəsulu Həzrəti
Məhəmməd (sallallahu aleyhi və səlləm) belə buyurdular:
Müsəlman bir insanın, bir malda qüsur olduğunu bildiyi halda,
müştəriyə xəbər vermədən satması haramdır.
(Buxari,
Sehr 19)
* * *
Allah Rəsulu Həzrəti
Məhəmməd (sallallahu aleyhi və səlləm) belə buyurdular:
Müsəlmanın müsəlman üstündəki haqqı beşdir: Salamını almaq, xəstə
ziyarətinə getmək, cənazəsində iştirak etmək, dəvətini qəbul
etmək, asqırdıqda "yerhamukallah" (Allah mərhəmət etsin) demək.
(Tirmizi,
2738
)
* * *
Allah Rəsulu Həzrəti
Məhəmməd (sallallahu aleyhi və səlləm) belə buyurdular:
İman, yetmiş şöbədir. Həya imandan bir şöbədir. Bu şöbələrdən ən
üstünü "La ilahə illəllah" sözüdür, ən aşağısı da yoldan narahat
edən bir şeyi kənara qoymaqdır.
(Buxari,
İman 3
)
* * *
Həzrəti Əli
(radiyallahu anh) Rəsulullahın (sallallahu aleyhi və səlləm) belə
söylədiyini rəvayət edir:
İnsanların ən kərimi olmaq istəyən təqva duyğusu ilə dolsun... ən
qüvvətli olmağı diləyən Allahın havl və qüvvətinə sığınıb Ona
təvəkkül etsin... və hər kim də insanların ən zəngini olmağı murad
edərsə, öz əlindəkindən çox Allahın tükənməyən xəzinələrinə
güvənsin.
(Müsnədü'ş-Şihab,
1/234; (az fərqlə) əl-Müstədrək, 4/301; Məcməu'z-Zəvaid, 2/967
)
* * *
Əbu Zərr (radiyallahu
anh) həzrətləri Rəsulullahın (sallallahu aleyhi və səlləm) belə
söylədiyini rəvayət edir:
Harada olursansa ol, Allahdan qorx və təqva duyğusu içində ol! Bir
günaha düşmüsənsə, dərhal ardından bir yaxşılıq et ki, o günahını
silsin. İnsanlarla olan davranışlarında da gözəl əxlaqdan heç
ayrılma!
(Tirmizi, Birr, 55; Müsnəd, 2/5,
5/153, 178, 228)
* * *
Abdullah ibni Məsud
(radiyallahu anh) Rəsulullahdan (sallallahu aleyhi və səlləm) belə
rəvayət edir:
Zəkatını verməklə mallarınızı qoruyub taqviyyə edin,
xəstələrinizin müalicəsində sədəqənin dəf ediciliyini
dəyərləndirin, bəla və müsibətlərə qarşı da hər zaman Allaha duaya
yönəlin!
(Məcməuz-Zevâid, 3,63; Tabərani,
əl-Mucəmu’l-Kəbir,10,128)
* * *
Ebu Hureyrə
(radiyallahu anh) Rəsulullahdan (sallallahu aleyhi və səlləm) belə
nəql edir:
Sevdiyin insanı qədərində sev. Yoxsa bir gün gələr o insan
gözündən düşər və əvvəlki çox məhəbbətinə görə əzabın daha da çox
olar.
Hirsləndiyin insana qarşı da qədərində ol və nifrət hissinin
qarşısını al. Əks təqdirdə gün gələr o şəxs dostun olarsa əvvəlki
hirsli davranışlarının xəcaləti sənə çox təsir edər.
(Tirmizi, Birr, 59)
* * *
Abdullah İbni
Ömər
(radiyallahu anh) Rəsulullahdan (sallallahu aleyhi və səlləm) belə
rəvayət edir:
Həqiqi səadət və həqiqi bəxtiyarlıq Rəbbinə qarşı xalis qulluğunda
hər an bir az da dərinləşərək addım-addım Allah rizasına gedən bir
insanın bu hal üzrə çox uzun bir ömür sürməsidir.
(Feyzu’l-Qadir, 4, 144; Müsnəd-i
Şihab, 1, 206)
* * *
Abdullah İbni Amr
(radiyallahu anh) Rəsulullahdan (sallallahu aleyhi və səlləm) belə
rəvayət edir:
Dünyaya könüldə yer verməmək həm qəlbi rahatlaşdırır, həm bədəni.
Ona pərəstiş etmək isə sadəcə kədər və hüznü artırır.
Qeyri-ciddi olmağa gəldikdə isə, o qəlbi qatılaşdırmaqdan başqa
bir işə yaramaz.
(Müsnəd-i Şihab, 1, 188;
Feyzu’l-Qadir, 4, 74)
* * *
Abdullah İbni Salam
(radiyallahu anh) Rəsulullahdan (sallallahu aleyhi və səlləm) belə
dediyini nəql edir:
Ey
İnsanlar!
Salamı aranızda yayın..
Süfrəniz hər kəsə açıq olsun, çoxlu ikram edin..
qohumlarla əlaqə qurmaqda qüsur etməyin...
bir
de insanların yuxuya getdikləri anlarda, gecələrin qaranlığını
namazla deşin.. beləliklə sağ salamat Cənnətə girin!..
(İbni Macə,
Ətimə, 1; Darimi, Salat,
156)
* * *
Hz. Ümmüd Dərda (radiyallahu anha)-nın Rəsulullahın (sallallahu aleyhi və səlləm) belə buyurduğunu
rəvayət edir:
Qiyamət günü mizana
ilk qoyulacaq şey gözəl əxlaqdır.
(Tabərani, əl-Mucəmul kəbir, 24/253)
* * *
Hz. Abdullah ibni Ömər (radiyallahu anh)-in rəvayət etdiyi bir hədisi şərifdə,
Rəsulullah (sallallahu aleyhi və səlləm) belə buyurur:
Möminin şərəf və etibarı, gecələri ibadətlə keçirməsində; izzət və
heysiyyəti də könül toxluğu içində olub insanlara əl
açmamasındadır.
(Müstədrək, 4/360)
* * *
La tuksirud dahikə fə innə kəsrətəd dahiki tumitul qalb.
Hz. Əbu Hureyrə
(radiyallahu anh)-nin rəvayət etdiyi bir hədisi şərifdə,
Rəsulullah (sallallahu aleyhi və səlləm) belə buyurur:
Çox
gülməyin! Çünki çox gülmək qəlbi öldürür.
(İbn Macə, Zühd, 19)
|
