RUH HARA GEDİR?

İbni Abbasdan soruşurlar:

“Öləndə ruhlar hara gedir?”

Cavab verir:

“Şam sönəndə ışığı hara gedir?”

YETƏRLİ DEYİL

Bir tələbəsi Konfuçyusdan soruşur:

- Sənin şəhərində səni çox sevirlərmi?

- Yetərli deyil, cavab verir Konfuçyus.

Tələbə yenə soruşur:

- Sənən şəhərində səni sevməyən çoxdurmu?

Konfuçyus cavab verir:

- Yetərli deyil. İnsanların arasında yaxşıların səni sevməsi, pislərin isə sevməməsi daha yaxşıdır.

YALTAQ

Sokrat heç xoşlamadığı bir yaltaqla söhbət edirmiş.  Danışıb qurtardıqdan sonra:

- Qardaşım, heç olmasa bəzən etiraz et ki, beləliklə iki nəfər olduğumuz bilinsin.

QİYMƏTSİZ ƏSƏR

18-ci əsrin məşhur Fransız şairlərindən Pirondan, özünü yazıçı zənn edən bir nəfər deyir:

- Elə bir əsər yazmaq istəyirəm ki, heç tayı bərabəri olmasın.

Şair cavab verir:

- Elə isə özünüz üçün bir mədhiyyə (tərif) yazın...