Yaz məni, yaz, ya Rəbbim!

Sevginlə yaz, ya Rəbbim

Başladığın dastanı

Ömrümlə yaz, ya Rəbbim.

Yaz məni, yaz, ya Rəbbim!

Adınla yaz, ya Rəbbim

Dağların qarı kimi

Ruhum bəyaz, ya Rəbbim

Yaz məni, yaz, ya Rəbbim!

Eşqinlə yaz, ya Rəbbim

Ömrümə payız gəlib,

Könlümə, yaz, ya Rəbbim

Yaz məni, yaz, ya Rəbbim!

Əlinlə yaz, ya Rəbbim!

Göz yaşlarım mürəkkəb,

Sinəm kağız, ya Rəbbim!

Yaz məni, yaz, ya Rəbbim!

Yolunla yaz, ya Rəbbim!

Siratəl-müstəqimlə,

Nə çox, nə az, ya Rəbbim!

Yaz məni, yaz, ya Rəbbim!

Cümləmi yaz, ya Rəbbim!

Hələ nöqtəmi qoyma,

Yazım bir az, ya Rəbbim